Lögreglan var að gefa út tilkynningu um að vegna áframhaldandi snjókomu á höfuðborgarsvæðinu er fólk eindregið hvatt til að halda sig heima og vera alls ekki á ferðinni að nauðsynjalausu. Gul viðvörun vegna veðurs er í gildi í umdæminu, en hún mun breytast í appelsínugula viðvörun kl. 17, en áfram er spáð mikilli snjókomu eða slyddu með lélegu skyggni. Fólk sem fór að heiman í morgun er beðið um að huga að heimferð sem allra, allra fyrst (mjög gott ef fólk er komið til síns heima fyrir kl. 15) því færðin og veðrið á bara eftir að versna eftir því sem líður á daginn.

Vegna þessa hefur verið ákveðið að þjónusta dagdeilda og göngudeilda á Reykjalundi mun hætta frá og með kl 14 í dag. Heilsurækt Reykjalundar verður einnig lokuð í dag.