Miðgarður – sólarhringsdeild

Miðgarður er 14 rúma hjúkrunardeild sem er opin allan sólarhringinn.

Miðgarður er fyrir einstaklinga sem þurfa meiri þjónustu, en er í boði á dagdeildum, til að geta nýtt sér endurhæfingarúrræði á Reykjalundi.

Á Miðgarði vinnur þverfaglegt teymi sem samanstendur af lækni, hjúkrunarfræðingum, sjúkraliðum, sjúkraþjálfurum, iðjuþjálfa, félagsráðgjafa, sálfræðingi, næringarráðgjafa og ritara.

Inn á Miðgarð leggjast einstaklingar frá Landspítala og frá öðrum teymum á Reykjalundi eftir endurhæfingarmat.

Lengd dvalar í endurhæfingu á Miðgarði er misjafn en alla jafnan ekki lengri en 4- 6 vikur.

Sem hluti af endurhæfingu þá eru einstaklingar sem liggja inn á Miðgarði hvattir til að fara út af stofnuninni um helgar og á frídögum í styttri eða lengri tíma.

Gert er ráð fyrir að þeir sem leggjast inn á Miðgarð útskrifist heim eða í önnur fyrirfram ákveðin meðferðarúrræði eftir endurhæfingu.