Hjarta og lungnarannsókn

Ýmis konar álagspróf, öndunarmælingar og svefnskimanir eru megin viðfangsefni hjarta- og lungnarannsóknarstofunnar. Að auki sinnir stofan ýmsum öðrum mælingum svo sem sólarhringsblóðþrýstingsmælingum, hjartaholter rannsóknum og hjartaómunum.

Undirbúningur fyrir mælingar á HL-rannsókn:

Undirbúningur fyrir þolpróf:

1. Taka morgunlyfin tímanlega fyrir prófið 
2. Borða léttan morgunverð/hádegisverð en sleppa öllum koffeindrykkjum  s.s. kaffi, te eða orku/gos drykkjum sem innihalda koffein
3. Vera í íþróttaskóm (eða sambærilegu) og í þægilegum buxum.  Karlmenn prófast berir að ofan og konur í íþróttatoppi eða brjóstarhaldara v. tengingu við hjartalínurit
4. Sleppa allri líkamlegri áreynslu fyrir prófið s.s. göngu, leikfimi eða annarri þrekþjálfun

Undirbúningur fyrir öndunarmælingu

1. Taktu lyfin þín að venju og úðalyfin a.m.k. einni klst fyrir mælingu nema annað sé tekið fram við boðun
2. Borðaðu léttan morgunverð/hádegisverð fyrir mælingu

Undirbúningur fyrir sex mín göngupróf

1. Taktu lyfin eins og venjulega og úðalyf a.m.k. einni klst fyrir prófið
2. Borða léttan morgunverð/hádegisverð en sleppa öllum koffeindrykkjum  s.s. kaffi, te eða orku/gos drykkjum sem innihalda koffein
3. Sleppa allri líkamlegri áreynslu fyrir prófið s.s. göngu, leikfimi eða annarri þrekþjálfun
4. Vera í skóm sem þú ert vanur/vön að ganga í