Mötuneyti

Í endurhæfingu á Reykjalundi er lögð áhersla á grunnþætti heilbrigðra lífshátta. Þar skiptir heilsusamlegt mataræði gríðarlega miklu máli.

 Í mötuneyti Reykjalundar er leitast við að hafa matinn heilnæman og ferskan. Matseðilinn samanstendur af fjölbreyttum fisk-, kjöt- og grænmetisréttum, ásamt salatbar og ávöxtum. Eldað er á heilsusamlegan máta og stuðst er við ráðleggingar Landlæknis um matarræði.

Matsalurinn er á fyrstu hæð. Á sumrin er hægt að setjast við borð á útisvæði mötuneytisins.

Í matsalnum er framreiddur matur fyrir sjúklinga, starfsfólk og gesti. Allar máltíðir eru innfaldar í meðferð. Sjúklingar sem eru á dagdeild eða sólarhringsdeild þurfa ekki að greiða fyrir máltíðir.

Sjúklingar á göngudeild og gestir geta keypt matarkort í móttöku.

Opnunartími:

Virkadaga.

• Morgunmatur: 7:30-9:00
• Hádegismatur: 11:30-13:00
• Síðdegiskaffi: 14:30-15:30
• Kvöldmatur: 17:30-18:30

Laugardagar og sunnudagar.

• Morgunmatur 08.30 – 10:00
• Hádegismatur 12:00 – 13:00
• Síðdegiskaffi 14:30 – 15:30
• Kvöldmatur 17:30 -18:30

Fyrstu 10 mínútur af hverjum matar- og kaffitíma eru ætlaðar þeim sem þurfa aðstoð í matsal. Þeir sem ekki þurfa á slíkri hjálp að halda eru beðnir um að taka tillit til þessa og sýna biðlund.

Fyrirkomulag í framreiðslu matar um helgar í Miðgarði og fyrir sjúklinga í gistingu:

• Mötuneytið á Reykjalundi verður opið um helgar og á almennum frídögum fyrir sjúklinga Miðgarðs og sjúklinga í gistingu frá kl. 12:00 – 13:00.
• Aðalinngangur og gamli aðalinngangur verða opnir frá kl. 11:45 – 12:45 um helgar og á almennum frídögum fyrir sjúklinga Miðgarðs og sjúklinga í gistingu.
• Hádegismatur er einungis borinn fram í matsal um helgar og á almennum frídögum þegar starfsemi er í Miðgarði.
• Sjúklingar sem eru í gistingu á Reykjalundi um helgar og á almennum frídögum koma í hádegismat í mötuneyti Reykjalundar um helgar á milli 12 og 13, en fá morgunhressingu og kvöldhressingu í tösku til að hafa með sér í sitt gistipláss um helgar.