Hagnýtar upplýsingar

Móttaka er staðsett í Norðurstofu við aðalinngang.

Í móttökunni fer fram almenn upplýsingagjöf, ásamt bókunum og afgreiðslu fyrir göngudeild. Þar er einnig hægt að kaupa fræðsluefni sem stuðst er við í endurhæfingu á Reykjalundi.

Afgreiðslutími

Mánudaga – fimmtudaga:  08:00 – 15:00
Föstudaga:  08:00 – 13:00

Sími

• Skiptiborð: 585-2000

Hvenær er opið

Starfsemi dagdeilda er á opin alla virka daga milli kl 8:00 og 16:00.

Starfsemi Miðgarðs, legudeildar er opin allan sólahringinn.

Heimsóknartími á virkum dögum frá kl 16:00-21:00.
Heimsóknartími um helgar frá 12:00-19:00.

Miðað er við að tveir gestir megi koma í einu og eru börn velkomin.
Gestir eru beðnir um að bíða með heimsóknir ef þeir eru með einhver flensulík einkenni.

Leiðarvísir – bílastæði

• Reykjalundur er í Mosfellsbæ, austan við þjóðveg 1, Vesturlandsveg.
• Leiðarvísi að Reykjalundi má finna hér.
• Almenningsamgöngur: Strætó leið 15.

Leiðarvísir – húsnæði Reykjalundar

• Yfirlitsmynd af húsnæði Reykjalundar má finna hér.

Göngu og hjólaleiðir: Í kringum Reykjalund eru fjölbreyttar göngu- og hjólaleiðir sem nýta má til útivistar og hreyfingar. Á vef Mosfellsbæjar eru m.a. gagnlegar upplýsingar um ýmsar leiðir í umhverfi Mosfellsbæjar.

Beiðni á Reykjalund

Allar beiðnir um þjónustu Reykjalundar endurhæfingar þurfa að koma frá lækni. Tekið er við beiðnum rafrænt gegnum Sögu sjúkraskrárkerfi á eyðublaðinu „Reykjalundur meðferðarbeiðni“.

Við mat á beiðnum er horft til eftirfarandi þátta:

• Sjúklingur tilheyri markhópi viðkomandi teymis.
• Áhersla er á vinnufæran aldur, 18-70 ára.
• Sjúklingur hafi þörf fyrir og geti nýtt sér þverfaglega nálgun skv. læknisfræðilegu mati.
• Sjúklingur sé tilbúinn í endurhæfingu innan 3ja mánaða. Að öðrum kosti þarf að senda beiðni síðar.
• Áhugahvöt fyrir endurhæfingu sé til staðar.

Auk þess eru eftirfarandi þættir metnir:

•  Virkur neysluvandi. Ef saga er um fíknivanda þarf viðkomandi að hafa haldið sig frá notkun vímuefna, ávanabindandi lyfja og áfengis í a.m.k. sex mánuði fyrir endurhæfingu.
• Bráð veikindi, andleg eða líkamleg. Heilsufarsvandi, sjúkdómur og/eða meðferð sem dregur úr getu sjúklings til að nýta sér endurhæfingu. Ef um óstöðugan sjúkdóm er að ræða þarf að meta hvert tilvik.
• Sjúklingur í rannsóknum eða greiningarferli vegna líkamlegra og/eða andlegra vandamála.
• Skert geta sjúklings til að tileinka sér fræðslu í hóp.
• Saga um andfélagslega hegðun sem bendir til þess að sjúklingum og/eða starfsfólki gæti stafað hætta af.
• Óleystur búsetuvandi.
• Opið bótamál sem hindrað gæti framgang endurhæfingar.

Komudagur

Gott að hafa í huga
Fyrir komudag er gott að vera búin að borða morgunmat og taka lyf ef einhver eru. Við komu er best að láta vita af sér í móttöku við aðalinngang.

Hvað á ég að koma með?

• Inniskór
• Íþróttabuxur og stuttermabolir
• Íþróttaskór fyrir innanhúss notkun (ekki með svörtum sólum)
• Vatnsbrúsi
• Sundföt og baðhandklæði
• Útifatnaður, klæðnaður eftir veðri.
• Gott að hafa vatns- og vindþéttan galla, húfu, vettlinga og trefil.
• Mannbroddar að vetri og endurskinsmerki.
• Léttir gönguskór
• Persónulegar snyrtivörur án ilmefna
• Lesgleraugu
• Hjálpartæki (ef þú notar þau að jafnaði); merkt með nafni og síma Lyf
• Lyfjalista
• Lyf fyrir daginn
• Innöndunarlyf og viðeigandi búnað (ef þarf)

Gisting

Gisting á sjúkrahóteli Reykjalundar er annars vegar í aðalbyggingu og hins vegar í tveimur húsum á lóð Reykjalundar, Friðriksbergi og Oddshúsi.

• Friðriksberg: Herbergi 1-4 (efri hæð), herbergi 5-7 (neðri hæð), herbergi 8 (inn af stofu).
• Oddshús:

o Fremri hluti: Herbergi 1-3.
o Innri hluti: Herbergi 4-6.
o Herbergi 7 (inn af eldhúsi).

• Aðalbygging: Gisting á 3. hæð, A-álma.

Tryggingargjald & gjaldskrá

• Tryggingargjald: 2.500 kr. greiðist við lyklaafhendingu í aðalmóttöku, endurgreitt við skil.
• Gistingargjald: 13.280 kr. á viku fyrir sjúkrahótel. Sólarhringsgjald er 1890 krónur. (skv. uppl. 6.3.25).

Almennt um gistingu í aðalbyggingu:

• Salerni & sturta: Við enda gangsins. Læsið aðliggjandi hurð ef deilt er salerni milli herbergja.
• Sameiginleg aðstaða: Setustofa og eldhús á ganginum, vinsamlega gangið vel um.
  Friðriksberg og Oddshús:
  Sameiginleg setustofa og eldhúskrókur, vinsamlega gangið vel um.
• Rúmföt: Ekki skipt af starfsfólki nema aðstoð sé nauðsynleg. Hrein rúmföt fást í afgreiðslu á 1. hæð kl. 8-16.
  • Látið móttökuritara vita ef eitthvað vantar í skápa.

Gisting um helgar

• Láta ritara vita fyrir kl. 16 á miðvikudegi hvort gist verður um helgina.
• Hægt að koma aftur á sunnudagskvöldi, tilkynna þarf það fyrir fimmtudag.
• Ekki þarf að tæma herbergi, en gott að taka verðmæti með sér.
• Muna að loka gluggum við brottför.
• Aðalinngangur lokar kl. 19:00 (mán-fim) og kl. 16:30 (föstud.). Ef komast þarf inn eftir lokun er dyrabjalla við inngang.

Máltíðir í matsal

• Morgunmatur: 7:30-9:00, 8:30-10 um helgar
• Hádegismatur: 11:30-13:00, 12:00-13:00 um helgar
• Síðdegiskaffi: 14:30-15:30
• Kvöldmatur: 17:30-18:30

Laugardagar og sunnudagar eru eftirfarandi.

• Morgunmatur 08.30 til 10.
• Hádegismatur 12. Til 13.
• Síðdegiskaffi 14.30. til 15.30.
• Kvöldmatur 17.30 til 18.30.

Útskrift & brottför

• Herbergi rýmt fyrir kl. 12:00 til að tryggja aðgengi ræstingar.
• Skila lykli í móttöku fyrir kl. 12 á föstudegi.
• Töskur má geyma í herberginu/húsinu þar til farið er heim.

Matsalur

Matsalur er staðsettur á fyrstu hæð. Á sumrin er hægt að setjast við borð úti.
Í matsalnum er framreiddur matur fyrir sjúklinga, gesti og starfsfólk. Allar máltíðir eru innfaldar í meðferð. Sjúklingar sem eru á dagdeild eða sólarhringsdeild þurfa ekki að greiða fyrir máltíðir.
Sjúklingar á göngudeild og gestir geta keypt matarkort í móttöku.

Fyrstu 10 mínútur af hverjum matar- og kaffitíma eru ætlaðar þeim sem þurfa aðstoð í matsal. Þeir sem ekki þurfa á slíkri hjálp að halda eru beðnir um að taka tillit til þessa og sýna biðlund.

Fyrirkomulag í framreiðslu matar um helgar í Miðgarði og fyrir sjúklinga í gistingu:

• Mötuneytið á Reykjalundi verður opið um helgar og á almennum frídögum fyrir sjúklinga Miðgarðs og sjúklinga í gistingu frá kl. 12:00 – 13:00.
• Aðalinngangur og gamli aðalinngangur verða opnir frá kl. 11:45 – 12:45 um helgar og á almennum frídögum fyrir sjúklinga Miðgarðs og sjúklinga í gistingu.
• Hádegismatur er einungis borinn fram í matsal um helgar og á almennum frídögum þegar starfsemi er í Miðgarði.
• Sjúklingar sem eru í gistingu á Reykjalundi um helgar og á almennum frídögum koma í hádegismat í mötuneyti Reykjalundar um helgar á milli 12 og 13

Matseðill

Aðgengi að einkarými til trúariðkunar og kyrrðarstunda

Hildarstofa, herbergi á 2.hæð í byggingu B á Reykjalundi er aðgengileg þeim sem óska. Vinsamlegast snúið ykkur til starfsfólks sem getur bókað herbergið eftir þörfum.

Gjaldskrá

Ferðakostnaður

Mögulegt er að sækja um endurgreiðslu á ferðakostnaði til Sjúkratrygginga Íslands.

Internet Free Wifi

Þráðlaust gestanet næst víða í byggingum Reykjalundar.

Varðveisla persónulegra muna

Reykjalundur ábyrgist ekki varðveislu verðmæta eða persónulegra muna en allir sjúklingar hafa aðgengi að læstum skápum til að geymslu verðmæta.

Fleira um aðstöðu og búnað

Billjard
Billjardborð er staðsett fyrir framan sundlaug og er til afnota til 21:30 mánudaga til fimmtudaga og til 16:30 föstudaga.
Flyglar
Tveir flyglar eru til á Reykjalundi, annar er staðsettur í setustofu fyrir framan matsal og er til frjálsra afnota. Hinn er staðsettur í samkomusal og er til afnota þegar salurinn er opinn og ekki í annarri notkun.

Reglur Reykjalundar um tóbak, áfengi, vímuefnanotkun

Reykjalundur er reyk- og vímuefnalaus stofnun. Hvorki er heimilt að neyta tóbaks, rafsígarettna, áfengis, né annarra vímuefna í húsum eða á lóð Reykjalundar. Nær það til alls þess húsnæðis sem nýtt er fyrir starfsemina, lóðarinnar í kring og þess landsvæðis sem nýtt er fyrir göngur og aðra útivist. Óheimilt er að koma á Reykjalund undir áhrifum áfengis eða annarra vímuefna. Brot á þessum reglum getur leitt til brottvísunar.

Réttindi sjúklinga

Reykjalundur endurhæfing ehf. starfar eftir lögum um réttindi sjúklinga en markmið þeirra er að tryggja sjúklingum tiltekin réttindi í samræmi við almenn mannréttindi og mannhelgi og styrkja þannig réttarstöðu þeirra gagnvart heilbrigðisþjónustunni og styðja trúnaðarsambandið sem ríkja ber milli sjúklinga og heilbrigðisstarfsmanna. Sjá nánar

Í samræmi við lög um réttindi sjúklinga er því m.a. tryggður réttur sjúklings til að ákveða sjálfur hvort hann þiggur eða hafnar meðferð.

Afrit af sjúkraskrá

Í samræmi við lög um sjúkraskrár á sjúklingur eða umboðsmaður hans rétt á aðgangi að eigin sjúkraskrá í heild eða að hluta og til að fá afhent afrit af henni ef þess er óskað. Sjá nánar

Ef óskað er eftir afriti skal senda útfyllt þar til gert eyðublað til umsjónaraðila sjúkraskrárinnar á netfangið hgf[hja}reykjaundur.is eða í pósti til Reykjalundur endurhæfing ehf. b.t. heilsugagnafræðinga, Reykjalundur, 270 Mosfellsbær.Óski sjúklingur eftir að ekki séu veittar upplýsingar um hann til aðstandenda skal orðið við því og það sérstaklega merkt í sjúkraskrá.

Þáttaka sjúklinga í vísindarannsóknum

Reykjalundur hefur það að markmiði að vera í fararbroddi vísindarannsókna í endurhæfingu á landsvísu. Vísindarannsókn á Reykjalundi getur ekki hafist fyrr en að fengnu leyfi Vísindasiðanefndar. Fyrir hverri rannsókn er ábyrgðarmaður sem ber ábyrgð á því að rannsóknaráætlun sé fylgt í hvívetna og allir starfsmenn hafi undirgengist þagnarheit. Hann ber jafnframt ábyrgð á öllum gögnum rannsóknar og allri vinnslu með þau. Þegar leitað er eftir þátttöku skjólstæðinga Reykjalundar í rannsókn ber rannsakendum skylda til að gefa ítarlegar upplýsingar um hvað felst í þátttöku áður en leitað er eftir skriflegu samþykki. Á skriflega samþykkinu skal koma skýrt fram að þótt skjólstæðingur hafi skrifað undir samþykki má hann stöðva þátttöku sína hvenær sem er án útskýringa. Einnig að kjósi viðkomandi að hætta þátttöku þá muni það ekki hafa áhrif á þá meðferð sem hann fær á Reykjalundi, endurhæfingarmiðstöð ehf. Á vef Vísindasiðanefndar má finna fræðslu fyrir þátttakendur í vísindarannsóknum, sjá nánar hér.

Þáttaka nemenda í meðferð sjúklinga

Reykjalundur sinnir kennslu og þjálfun nemanda í heilbrigðisvísindum Háskóla Íslands og Háskólans á Akureyri og mögulegt er að nemendur komi að meðferð sjúklinga sem hluta af sínu námi. Ávalt þarf að samþykki sjúklings að liggja fyrir og afþakki sjúklingur aðkomu nemenda að meðferð eða umönnun mun það ekki hafa áhrif á þá þjónustu sem veitt er.