Hagnýtar upplýsingar

• Reykjalundur er í Mosfellsbæ, austan við þjóðveg 1, Vesturlandsveg.
• Leiðarvísi að Reykjalundi má finna hér.
• Almenningsamgöngur: Strætó leið 15.

Yfirlitsmynd af húsnæði Reykjalundar má finna hér
Grunnmynd af húsnæði Reykjalundar má finna hér.

Við mat á beiðnum er horft til eftirfarandi þátta:

• Sjúklingur tilheyri markhópi viðkomandi teymis.
• Áhersla er á vinnufæran aldur, 18-70 ára.
• Sjúklingur hafi þörf fyrir og geti nýtt sér þverfaglega nálgun skv. læknisfræðilegu mati.
• Sjúklingur sé tilbúinn í endurhæfingu innan 3ja mánaða. Að öðrum kosti þarf að senda beiðni síðar.
• Áhugahvöt fyrir endurhæfingu sé til staðar.

Auk þess eru eftirfarandi þættir metnir:

•  Virkur neysluvandi. Ef saga er um fíknivanda þarf viðkomandi að hafa haldið sig frá notkun vímuefna, ávanabindandi lyfja og áfengis í a.m.k. sex mánuði fyrir endurhæfingu.
• Bráð veikindi, andleg eða líkamleg. Heilsufarsvandi, sjúkdómur og/eða meðferð sem dregur úr getu sjúklings til að nýta sér endurhæfingu. Ef um óstöðugan sjúkdóm er að ræða þarf að meta hvert tilvik.
• Sjúklingur í rannsóknum eða greiningarferli vegna líkamlegra og/eða andlegra vandamála.
• Skert geta sjúklings til að tileinka sér fræðslu í hóp.
• Saga um andfélagslega hegðun sem bendir til þess að sjúklingum og/eða starfsfólki gæti stafað hætta af.
• Óleystur búsetuvandi.
• Opið bótamál sem hindrað gæti framgang endurhæfingar.

Fyrir komudag er gott að vera búin að borða morgunmat og taka lyf ef einhver eru. Við komu er best að láta vita af sér í móttöku við aðalinngang.

• Inniskór
• Íþróttabuxur og stuttermabolir
• Íþróttaskór fyrir innanhúss notkun (ekki með svörtum sólum)
• Vatnsbrúsi
• Sundföt og baðhandklæði
• Útifatnaður, klæðnaður eftir veðri.
• Gott að hafa vatns- og vindþéttan galla, húfu, vettlinga og trefil.
• Mannbroddar að vetri og endurskinsmerki.
• Léttir gönguskór
• Persónulegar snyrtivörur án ilmefna
• Lesgleraugu
• Hjálpartæki (ef þú notar þau að jafnaði); merkt með nafni og síma Lyf
• Lyfjalista
• Lyf fyrir daginn
• Innöndunarlyf og viðeigandi búnað (ef þarf)

Gisting á sjúkrahóteli Reykjalundar er í aðalbyggingu Reykjalundar, í Friðriksbergi og í húsum á Neðribraut á lóð Reykjalundar

• Friðriksberg: Herbergi 1-4 (efri hæð), herbergi 5-7 (neðri hæð), herbergi 8 (inn af stofu).
• Neðribraut: Herbergi 3.
• Aðalbygging: Gisting á 3. hæð, A-álma.

Í aðalbyggingu Reykjalundar:

• Salerni & sturta: Við enda gangsins. Læsið aðliggjandi hurð ef deilt er salerni milli herbergja.
• Sameiginleg aðstaða: Setustofa og eldhús á ganginum, vinsamlega gangið vel um.

Friðriksberg og Neðribraut:

• Sameiginleg setustofa og eldhúskrókur, vinsamlega gangið vel um.
• Rúmföt: Ekki skipt af starfsfólki nema aðstoð sé nauðsynleg. Hrein rúmföt fást í afgreiðslu á 1. hæð kl. 8-16.
• Látið móttökuritara vita ef eitthvað vantar í skápa.

Gisting um helgar:

• Láta ritara vita fyrir kl. 16 á miðvikudegi hvort gist verður um helgina.
• Hægt að koma aftur á sunnudagskvöldi, tilkynna þarf það fyrir fimmtudag.
• Ekki þarf að tæma herbergi, en gott að taka verðmæti með sér.
• Muna að loka gluggum við brottför.
• Aðalinngangur lokar kl. 19:00 (mán-fim) og kl. 16:30 (föstud.). Ef komast þarf inn eftir lokun er dyrabjalla við inngang.

Útskrift og brottför:

• Herbergi rýmt fyrir kl. 12:00 til að tryggja aðgengi ræstingar.
• Skila lykli í móttöku fyrir kl. 12 á föstudegi.
• Töskur má geyma í herberginu/húsinu þar til farið er he
•  

Tryggingargjald & gjaldskrá

• Tryggingargjald: 2.500 kr. greiðist við lyklaafhendingu í aðalmóttöku, endurgreitt við skil.
• Gistingargjald: 13.280 kr. á viku fyrir sjúkrahótel. Sólarhringsgjald er 1890 krónur. (skv. uppl. 6.3.25).

Aðgengi að einkarými til trúariðkunar og kyrrðarstunda
Hildarstofa, herbergi á 2.hæð í byggingu B á Reykjalundi er aðgengileg þeim sem óska. Vinsamlegast snúið ykkur til starfsfólks sem getur bókað herbergið eftir þörfum.

Reykjalundur er reyk- og vímuefnalaus stofnun. Hvorki er heimilt að neyta tóbaks, rafsígarettna, áfengis, né annarra vímuefna í húsum eða á lóð Reykjalundar. Nær það til alls þess húsnæðis sem nýtt er fyrir starfsemina, lóðarinnar í kring og þess landsvæðis sem nýtt er fyrir göngur og aðra útivist. Óheimilt er að koma á Reykjalund undir áhrifum áfengis eða annarra vímuefna. Brot á þessum reglum getur leitt til brottvísunar.

Þráðlaust gestanet næst víða í byggingum Reykjalundar. 
Wi-Fi: Gestir – opið öllum

Reykjalundur ábyrgist ekki varðveislu verðmæta eða persónulegra muna en allir sjúklingar hafa aðgengi að læstum skápum til að geymslu verðmæta.