Svengdarvitund er aðferð til að þjálfa meðvitund á merkjum líkamans um svengd og seddu. Þessi nálgun hjálpar okkur að byggja upp heilbrigðara samband við mat og matarvenjur – ekki síst á annasömum tímum eins og fyrir jól.

Gunnar Örn segir að margir geti haft gagn af slíkri þjálfun, bæði þeir sem vilja bæta tengsl sín við mat og þeir sem einfaldlega vilja efla meðvitund og sjálfsumhyggju.

Og kannski má spyrja: Er virðing að borða mat á tíu mínútum eftir að hafa nostrað við matseld í meira en klukkutíma?

Kannski felst virðingin í því að gefa okkur tíma – og njóta þess sem við höfum skapað.