Aðalfundur Reykjalundar endurhæfingar ehf. fór fram nýlega. Honum var frestað síðasta vor að óviðráðanlegum orsökum.

Svana Helana Björndóttir

Svana Helen Björnsdóttir var kjörinn nýr formaður stjórnar Reykjalundar endurhæfingar ehf. Svana Helen er með PhD gráðu í kerfisverkfræði frá Háskólanum í Reykjavík. Hún hefur síðustu ár starfað sem aðjúnkt við Háskólann í Reykjavík auk þess að vera formaður Verkfræðingafélags Íslands (til loka apríl sl.) og bæjarfulltrúi á Seltjarnarnesi frá árinu 2022. Svana Helen hefur um áratuga skeið rekið hugbúnaðarfyrirtæki sem meðal annars þjónustaði heilbrigðisstofnanir. Hún er sérfræðingur í áhættugreiningu, vottunum og stjórnunarkerfum sem byggja á ISO-stöðlum. Svana hefur setið í stjórnum fyrirtækja og stofnana um árabil. Hún hefur átt sæti í vísinda- og tækniráði, í háskólaráði HR, var formaður Samtaka iðnaðarins og þá er ýmislegt ótalið.

Kristján Þór Magnússon

Aldís Stefánsdóttir sem verið hefur fulltrúi Mosfellsbæjar í stjórn síðustu tvö ár óskað eftir að fá að hætta í stjórn. Fulltrúi Mosfellsbæjar í stað Aldísar er Kristján Þór Magnússon, sviðsstjóri mannauðs og starfsumhverfis hjá Mosfellsbæ. Kristján Þór er með PhD í Íþrótta- og lýðheilsufræðum frá HÍ. Hann hefur starfað sem forseti heilbrigðis- viðskipta og raunvísindasvið HA, verið sveitastjóri Norðurþings, verkefnastjóri hjá Embætti landlæknis auk þess að hafa verið Lektor/aðjúnkt við Háskóla Íslands um árabil þar sem hann þróaði og flutti fyrirlestra um heilsueflingu, faraldsfræði hreyfingar o.þ.h. Kristján Þór hefur setið í ýmsum stjórnum og ráðum sem flest eru tengd starfsemi sveitarfélaga.

Auk Svönu Helenar og Kristjáns Þór eiga áfram sæti í stjórninni þau Gunnar Ármannsson og Arna Harðardóttir.

Aldísi er þökkuð góð störf í þágu Reykjalundar og Svana Helen og Kristján Þór boðin hjartanlega velkomin á Reykjalund.