Miðgarður

Miðgarður er 14 rúma hjúkrunardeild sem er opin allan sólarhringinn.

Miðgarður er fyrir einstaklinga sem þurfa meiri þjónustu, en er í boði á dagdeildum, til að geta nýtt sér endurhæfingarúrræði á Reykjalundi.

Á Miðgarði vinnur þverfaglegt teymi sem samanstendur af lækni, hjúkrunarfræðingum, sjúkraliðum, sjúkraþjálfurum, iðjuþjálfa, félagsráðgjafa, sálfræðingi, næringarráðgjafa, talmeinafræðingi og ritara.

Inn á Miðgarð leggjast einstaklingar frá Landspítala og frá öðrum teymum á Reykjalundi eftir endurhæfingarmat.

Lengd dvalar í endurhæfingu á Miðgarði er misjafn en alla jafnan ekki lengri en 4- 6 vikur.

Sem hluti af endurhæfingu þá eru einstaklingar sem liggja inn á Miðgarði hvattir til að fara út af stofnuninni um helgar og á frídögum í styttri eða lengri tíma.

Gert er ráð fyrir að þeir sem leggjast inn á Miðgarð útskrifist heim eða í önnur fyrirfram ákveðin meðferðarúrræði eftir endurhæfingu.

Heimsóknir eru leyfðar á Miðgarð.

  • Heimsóknartíminn á virkum dögum frá kl 16:00-21:00
  • Heimsóknartíminn um helgar frá 12:00-19:00.
  • Miðað er við að tveir gestir megi koma í einu og eru börn velkomin.
  • Gestir eru beðnir um að bíða með heimsóknir ef þeir eru með einhver flensulík einkenni.

Á Miðgarði eru 12 einbýli og 1 tvíbýli. Á deildinni er lítil setustofa þar sem hægt er að horfa á sjónvarp, púsla og fleira. Ekki eru sjónvörp inn á öllum herbergjum.

Matur er borinn fram í matsal virkum dögum og í hádeginu um helgar. Morgunmatur og kvöldmatur um helgar eru borinn fram á deild. Sjúklingar og starfsmenn borða saman. Ísskápur er á deildinni fyrir fólk sem þar dvelur.