Vísindaráð

Þriggja manna vísindaráð er á Reykjalundi, skipað af framkvæmdastjórn. Vísindaráð skal vera þverfaglegt og jafnræðis gætt milli faghópa við skipan í ráðið.

Á hverju ári gengur einn úr vísindaráði og nýr kemur inn í staðinn, tilnefndur að undangenginni auglýsingu. Hver vísindaráðsmaður situr þannig þrjú ár í ráðinu og gegnir formennsku síðasta árið. Fyrsti fundur vísindaráðs á Reykjalundi var haldinn í júní 2004. Fyrsta vísindaráðið sat lengur en ofangreindar reglur segja til um enda mótun vinnu og verklags ráðsins helstu verkefni þessa fyrsta ráðs.
 

Hlutverk vísindaráðs er:

1. Að vera stjórn og stjórnendum Reykjalundar ráðgefandi um vísindastefnu stofnunarinnar
2. Að vinna náið með rannsóknastjóra að framgangi vísindastefnunnar.
3. Að vinna að formlegum tengslum og samstarfi við aðrar stofnanir, innanlands og utan.
4. Að leggja faglegt mat á allar umsóknir um styrki úr vísindasjóði og skila áliti til framkvæmdastjórnar.
5. Að gæta samræmis í þeim matstækjum sem notuð eru á stofnuninni og vera ráðgefandi um stöðluð vinnubrögð við beitingu þeirra.