Vísindi og kennsla

Það er stefna Reykjalundar að efla rannsóknarstarf og halda uppi virkri vísindastefnu. Að því markmiði vinnur rannsóknastjóri í samvinnu við vísindaráð Reykjalundar. Um rannsóknir á Reykjalundi gilda ákveðnar reglur og starfandi er vísindasjóður sem úthlutað er úr árlega.

Öflugt rannsóknastarf byggir á mörgum þáttum. Þar má nefna:

• Þekkingu starfsmanna og áhuga á vísindum og þekkingarleit.
• Samvinnu við háskóla landsins  sem byggir meðal annars á því að nemendur bæði í grunn- og framhaldsnámi vinna rannsóknarverkefni undir leiðsögn starfsmanna Reykjalundar. Í gildi eru samstarfssamningar milli Reykjalundar og Háskóla Íslands og Háskólans á Akureyri.
• Hvatningu og stuðning stjórnenda við þá starfsmenn sem sinna vísindastarfi og ljúka því með greinaskrifum í ritrýnd tímarit.